समाचार » ढिके नुनकै भरमा जाजरकोटबासी reed mor

जाजरकोट ।  जाजरकोटको अधिकाँस स्थानिय बासिन्दाहरु गुणस्तरहीन नुन खान बाध्य छन् । सरकारी सहुलियतको आयोडिन युक्त नुन गाउँमै नपुग्दा यहाँका स्थानीयहरु ढिके नुनमा निर्भर हुनुपर्ने बाध्यता छ । साल्ट ट्रेडिङ कर्पोरेशन मार्फत सरकारले सहुलियत मूल्यमा उपलब्ध गराउँदै आएको आयोडिन युक्त नुन दुर्गम बस्तीमा नपाईने भएकाले ढिके नुन प्रयोग गर्न बाध्य भएको स्थानीय बताउँछन्।

अधिकांश गाविसमा पुग्दैन आयो नुन

जिल्लाका नायकवाडा, रामीडाडा, रोकायगाउ, सक्ला, खगेनकोट, रग्दा, भगवती, पजारु, दह, लगाएत १८ भन्दा वढी गाविसका स्थानीयले सहुलियतको नुन पाउन नसकेका हुन् । सरकारले उपलब्ध गराउने नुन ढुवानीको समस्याले गाउँमा लैजान अप्ठेरो परेको हो । यी गाविसबाट सदरमुकाम पुग्न २ देखि ५ दिन पैदल हिँड्नुपर्छ। नुनकै लागि साता लामो यात्रा सम्भव नभएकाले बजारमा पाईने आयोडिन नभएको ढिके नुन ल्याएर प्रयोग गदै आएको नायकवाडा ७ का प्रेम शाहीले बताए।


 
जाजरकोटका दुर्गम स्थानमा रहेका स्थानीयहरु रुकुम जिल्लाका राडी,चोरजहारी, जाजरकोटको कालीमटी, थलह, मोर्क लगाएतका ठाउँबाटट ढिके नुन लिएर खाना वाध्य भएको भगवतीका तेजवहादुर सिंहले बताए।

बजारमा ढिके नुन पर्याप्त मात्रामा बिक्री हुने गरेको नायकवाडा ७ का पृथ्वी विक्रम शाहीले बताए । सडक यातायातको सुबिधा नपुगेका यी गाविसमा बर्खाको समयमा पैदल बाटो समेत बन्द हुने गर्छ। आजको गोरखापत्र दैनिकले खबर छापेको छ।

0 comments

Write Down Your Responses