कञ्चनपुरमा झडप : स्थिति नियन्त्रण लिन पाँच राउण्ड अश्रुग्यास२
महेन्द्रनगर : पुर्नस्थापनाको माग राखेर आन्दोलनरत आरक्षपीडित र प्रहरीबीच झडप भएको छ । पूर्वपश्चिम राजमार्ग अन्र्तगत कञ्चनपुरको कलुवापुरमा चक्काजाम गरेर बसेका आरक्षपीडितलाई हटाउने क्रममा प्रहरीसँग झडप भएको हो ।
प्रहरीले चक्काजाम खोल्न पाँच राउण्ड अश्रुग्यास हानेको छ । बिहान १० बजेदेखी उनीहरुले राजमार्गमा अवरोध गरेका हुन् । सयौंको संख्यामा आरक्षपीडितले सडकमा बसेर प्रदर्शनमा उत्रिएका थिए।
सडकमा टायर बालिएको छ भने ढुङ्गामुढा राखेर बन्द गरिएको छ । लामो समयसम्म पनि आफूहरुको पुर्नस्थापना नभएको भन्दै उनीहरु सशक्त आन्दोलनमा उत्रिएका हुन् ।
आन्दोलनकारी धेरै र सुरक्षाकर्मीहरु कम भएकाले बाटो खोलाउन थप सुरक्षाकर्मी पठाउन लागिएको प्रशासनले जनाएको छ ।
0 comments
Write Down Your Responses