आर्थिक सहायताको नाममा सरकारले एक महिनामै बाँड्यो ६० लाख, सांसदद्वय भट्टराई र रायले लिए जनही १५ लाखr
कांग्रेसका सांसद भट्टराई किड्नीको विरामी रहेकाले आर्थिक सहायता लिएको भट्टराईकी श्रीमती राधा भट्टराईले बताइन् । उनका अनुसार भट्टराईको किड्नीमा ट्युमर पलाएर क्यान्सर भएको थियो र, दिल्ली लगेर उपचार गरिएको छ ।
यस्तै राज्यकोषबाट १५ लाख आर्थिक सहायता लिने महेन्द्रराय यादव यसअघि पटक/पटक मन्त्री भएका व्यक्ति हुन् । उनको ललितपुर टिकाथलीमा घर छ ।
यस्तै सोही क्याबिनेटबाट रमेश शाहलाई साढे ८ लाख आर्थिक सहायता उपलब्ध गराइएको छ ।
राज्यकोषबाट आर्थिक सहायता लिनेमा विराटनगर-५ मोरङकी अल्पना अधिकारी छिन् । उनको श्रीमान तेजनाथ अधिकारीको मोटरसाइकलमा गुडिरहेको बेला भारतीय ट्रकले ठक्कर दिँदा विराटनगरमा मृत्यु भएको थियो । उनको परिवारलाई सरकारले ५ लाख आर्थिक सहायता उपलब्ध गराएको हो । सोही दुर्घटनामा घाइते भएकी जुनु ढकाललाई २ लाख १० हजार उपलब्ध गराउने निर्णय भएको छ ।
सामान्य प्रशासन मन्त्रालयको प्रस्तावमा अहेव दिनेशकुमार चौधरी र शाखा अधिकृत चोलानाथ रेग्मीलाई ५-५ लाख उपचार खर्च उपलब्ध गराउने निर्णय भएको छ ।
२०७३ फागुन २२ गते १८:१५ मा प्रकाशित
0 comments
Write Down Your Responses