समाचार » नेपालका प्रहरी नै चोर, ट्रयाक्टरको टायरै चोरेर बिक्री see mor

दाङ, २० फागुन, अवैध काठ ओसारपसार गर्न प्रयोग गरिएको ट्रयाक्टर काठसहित जिल्ला वन कार्यालयमा बुझाउन खटिएका प्रहरीले नै सो ट्रयाक्टरको टायर चोरी बिक्री गरेको खुलासा भएको छ । दाङको इलाका प्रहरी कार्यालय, तुलसीपुरले सोमबार राति अवैध काठसहित रा १ त ६३० को ट्रयाक्टरलाई तुलसीपुर–१४ राइखलियानबाट नियन्त्रणमा लिएको थियो । इप्रका तुलसीपुरका अनुसार काठसहितको सो ट्रयाक्टर जिल्ला वन कार्यालय बुझाउन प्रहरीकै चालक सिपाही धनवीर चौधरी र अर्का जवान प्रकाश बिष्टलाई खटाइएको थियो । घोराहीस्थित जिल्ला वन कार्यालय काठ र ट्रयाक्टर बुझाउन गएका प्रहरी जवान चौधरी र बिष्टले घोराहीकै एक ट्रयाक्टर सोरुममा ट्रयाक्टरका ६ वटै टायर बेची पुराना टायर राखेर जिल्ला वनमा बुझाएको प्रहरीको भनाइ छ । प्रहरी स्रोतका अनुसार प्रहरी जवानद्वयले कामचलाउ टायर राखी ट्रेक्टर जिल्ला वन कार्यालयमा बुझाएका थिए । अहिले चौधरी र विष्टलाई कारवाहीका लागि जिल्ला प्रहरी कार्यालय दाङ पठाइएको छ

0 comments

Write Down Your Responses